سووتانی ماڵێك له‌ ئاواییه‌كی سه‌رده‌شت به‌ هۆی سۆبه‌ی نه‌وتی

706
به‌ پێی راپۆرته‌كان، له‌ ماوه‌ی ئه‌م رۆژانه‌ی دواییدا به‌ هۆی سووتانی ماڵێک له‌ ئاواییه‌كی ناوچه‌ سنوورییه‌کانی سه‌رده‌شت ٤ که‌س كوژران و بریندار بوون.
به‌ پێی ئه‌م راپۆرته‌، به‌ هۆی ته‌قینه‌وه‌ی سۆبه‌یه‌كی نه‌وتی له‌ ماڵێكی ئاوایی “وه‌ردێ”ی شاری سه‌رده‌شت، بنه‌ماڵه‌یه‌ك له‌ نێو ئاگردا گیریان كرد كه‌ به‌ هۆیه‌وه‌ کوڕێکی ته‌مه‌ن ٢٥ ساڵ گیانی له‌ده‌ستدا ‌و سێ که‌سیش بریندار بوون که‌ دوو که‌سیان له‌ نه‌خۆشخانه‌ی سه‌رده‌شت له‌ ژێر چاوه‌دێری پزیشکی دان‌ و یه‌کێکی دیكه‌شیان به‌هۆی سه‌ختی برینه‌کانی ره‌وانه‌ی نه‌خۆشخانه‌یه‌کی شاری ورمێ کراوه‌. شایانی باسه‌ ژماره‌یه‌كی زۆر له‌ ئاواییه‌كانی شاری سه‌رده‌شت ناوچه‌ جیاجیاكانی دیكه‌ی كوردستان له‌ ئیمكاناتی ریفاهی وه‌ك گازی خانه‌گی بێبه‌شن و له‌ سوبه‌ی نه‌وتی كه‌ڵك وه‌رده‌گرن كه‌ به‌ هۆیه‌وه‌ كاره‌ساتی دڵته‌زێنی له‌م چه‌شنه‌ی لێده‌كه‌وێته‌وه‌.