فه‌وتانی هه‌زاران باڵنده‌ی كۆچه‌ریی له‌ كه‌نار ده‌ریاچه‌ی ورمێ

694
به‌ پێی راپۆرته‌كان، نزیكەی دوو هه‌زار باڵندەی كۆچەر لە سیبرییەوە، لە نزیك ده‌ریاچه‌ی ورمێ‌ بە هۆكاری نادیار تێداچوون.
لە ماوه‌ی چه‌ند هه‌فته‌ی رابردوودا، ئەو باڵندانەی كە لە باكووری رووسیەوە بەرەو ناوچە ئیستیواییەكان كۆچیان دەكرد، لە كاتی حەسانەوەیان لە كەناراوەكانی ده‌ریاچه‌ی ورمێ‌، تووشی نەخۆشی هاتوون و تێداچوون. باڵندە کۆچەرییەکان بە دیاریكراوی لە تاڵاوەكانی پشتەوەی پادگانی ئەلمهدی سپای پاسداران نیشتوونەتەوە و لە ماوەی دوو هه‌فته‌كانی رابردوودا تێداچوون. شایانی باسه‌ هێشتا هۆكاری سەرەكیی فەوتانی هەزاران باڵندەی كۆچەری لە كه‌نار ده‌ریاچه‌ی ورمێ‌ نادیارە، بەڵام راگەیاندنە هەواڵنێرییەكان بە “گوماناوی” دانانی لەناوچوونی باڵندەكان، ئاماژە بۆ پادگانی ئەلمەهدی كە یەكێك لە گەورەترین پادگانەكانی سپای پاسدارانە دەكەن.