كرێكارێك لە سەقز بووە قوربانی روداوی كار

968
كرێكاریك لە حاڵێكدا كە نیگابانی ساختمانێكی نێوەكاره‌ بووە بەردەبێتە خوارەوە و دەست بە جێ گیانی لە دەست ده‌ده‌ا.
به‌ پێی هه‌واڵی گه‌یشتوو، رۆژی یەكشەممە رێكەوتی 22ی مانگی سەرماوەز، كرێكارێك به‌ ناوی “عه‌لی فه‌ره‌جی” خەڵكی شاری سەقز بە هۆی بەربوونەوە لە نهۆمی ساختمانێكی نیوەكار لە شەهرەكی سەقز گیانی لە دەست داوە. هەروەها رۆژی دوشەممە رێكەوتی 16ی مانگی سەرماوەز، كرێكاریكی خەڵكی شاری سنە لە كاتی كار لە ساختمانێك به‌ هۆی رووخانی دیواریكی ئەو ساختمانه‌ دەكەوێتە ژێر دیوارەكە و دەستبەجێ گیانی لە دەست ده‌دات.ساڵانە لە شوێنی كار و بە هۆی نەبوونی ئیمكاناتی پێویست و ئامرازی باش و بایەخ نەدانی خاوەنكارەكان بە دۆخی كرێكاران ژمارەیەكی بەرچاو لە كرێكارانی تووشی رووداوی كار دەبن و گیانیان لە دەست ده‌دەن.