رێكخراوی نه‌ته‌وه‌یه‌كگرتووه‌كان به ناولێبردنی رۆژی یه‌كشه‌ممه ٢٢ی مانگی مارس به‌رابه‌ر له‌گه‌ڵ ٢ی خاكه‌لێوه له‌ژێر ناوی “رۆژی جیهانی ئاو”، سه‌باره‌ت به كه‌مبودی سه‌رچاوه ئاوییه‌كان و هه‌ڕه‌شه‌كانی سه‌رچاوه‌گرتوو له كه‌م بوونی ئاو بۆ داهاتوو له جیهان هۆشداری دا.
به وته‌ی كارناسانی رێكخراوی نه‌ته‌وه‌یه‌كگرتووه‌كان، له‌گه‌ڵ په‌ره‌سه‌ندنی گۆڕانكاری كه‌ش و هه‌وا و جۆره‌ها ئالوده‌گی، كێشه‌ی كه‌م بوونی ئاوی شیرین، رۆژی له‌گه‌ڵ رۆژ جیدی تر ده‌بێته‌وه و نیگه‌رانییه‌كان سه‌باره‌ت به شه‌ڕ و ناكۆكی له نێو وڵاتانی دراوسێ له‌سه‌ر ئاوی هاوبه‌ش چڕتر كردۆته‌وه.
