كوژرانی سێ مه‌ئمووری پۆلیس له‌ كازروون

200w
“دادستان”ی شاری كازروون له‌ ئۆستانی فارس، باس له‌ كوژرانی سێ مه‌ئمووری پۆلیس له‌ میانی ته‌قه‌كردن له‌ یه‌كێك له‌ كه‌لانته‌رییه‌كانی ئه‌مشاره‌ ده‌كات.
به‌پێی راپۆرته‌ بڵاوكراوه‌كان، هێرشبه‌ره‌كه‌ له‌ غه‌فڵه‌تی مه‌ئموورێكی هێزی ئینتزامیی كه‌ له‌ حاڵی كردنه‌وه‌ی ده‌مانچه‌كه‌یدا بوو، كه‌ڵكی وه‌رگرتووه‌ و هه‌ستاوه‌ به‌ ته‌قه‌كردن. له‌م هێرشه‌دا سه‌ره‌ڕای گیان له‌ده‌ستدانی سێ مه‌ئمووری هێزی ئینتزامیی، پۆلیسێكیش به‌ قوورسی بریندار بوو و له‌ نه‌خۆشخانه‌ له‌ ژێر چاوه‌دێریی و چاره‌سه‌ر كراندایه‌. ئه‌م رووداوه‌ له‌ حاڵێكدا روویداوه‌ كه‌ رۆژی پێنجشه‌ممه‌ هه‌واڵی كوژرانی ره‌ئیسی ئیداره‌ی جه‌رایمی جه‌نایی له‌ ئێرانشار و مه‌ئموورێكی دیكه‌ی پۆلیس له‌ هۆرمۆزگان بڵاو ببۆوه‌.