رۆژی پێنجشه‌ممه ٥ی مانگی خه‌رمانان، “عه‌لیڕه‌زا ئیمانی” جێنشینی فه‌رمانده‌هی ناوچه‌ی به‌رگری به‌سیجی شاری شوش هه‌واڵی كوژرانی یه‌كێكی دیكه له فه‌رمانده‌كانی سپای پاسدارانی رژیمی له سوریه راگه‌یاند.
عه‌لیڕه‌زا ئیمانی له گفتوگۆ له‌گه‌ڵ هه‌واڵنێریی حكومه‌تی “ئیرنا” وتوویه‌تی كه “ئه‌حمه‌د حه‌یاری” ئه‌م فه‌رمانده‌ی سپا له‌لایه‌ن داعشه‌وه له لازه‌قیه‌ی سوریه كوژراوه. ئه‌مه له كاتێكدایه كه به پێی راپۆرته‌كان، گروپی ئیسلامگه‌رای داعش تا ئێستا نه‌گه‌یشتوونه‌ته ئۆستانی لازه‌قیه. شایانی باسه، مانگی ژوئیه‌ی رابردوویش یه‌كێكی تر له هێزه‌كانی سپای كۆماری ئیسلامی به ناوی “عه‌بدولكه‌ریم غه‌وابش” له سوریه كوژرا.
