كوژران و بریندار بوونی ده‌ كه‌س به‌ هۆی رووداوی هاتووچۆ

313
به‌ پێی هه‌واڵی گه‌یشتوو، چه‌ند رۆژ له‌مه‌وبه‌ر به‌ هۆی دوو رووداوی جیاجیای هاتووچۆ له‌ رێگای سنه ـــ مه‌ریوان و له‌ ناوچه‌ی شنۆ، ١٠ هاوڵاتی كوژران و بریندار بوون.به‌ پێی ئه‌م هه‌واڵه‌، له‌ رووداوی یه‌كه‌م دا به‌ هۆی ته‌سادۆفێك كه‌ له‌ ده‌ورووبه‌ری ئاوایی سۆفیان له‌ مه‌سیری جاده‌ی سنه‌ ــــ مه‌ریوان روویدا، ٢ هاوڵاتی سه‌رنشینی ئۆتۆمبیلی په‌یكان كه‌ ژن و مێردیش بوون، گیانیان له‌ده‌ستدا و ٥ هاوڵاتی دیكه‌ له‌ نێو ئۆتۆمبیلی پێژوی به‌رانبه‌ردا، بریندار بوون. هه‌روه‌ها له‌ نزیك ئاوایی “قروش ئاوێ” هه‌ڵكه‌وتوو له‌ شاری شنۆ، له‌ رووداوێكی هاتووچۆ له‌ نێوان دوو ئۆتۆمبیلی سه‌مه‌ند و پێژۆ، ٢ هاوڵاتی له‌ سه‌رنشینانی ئۆتۆمبیلێكی سه‌مه‌ند كه‌ كوڕێكی ٢٦ ساڵ ته‌مه‌ن و دایكه‌كه‌ی بوون، گیانیان له‌ ده‌ستدا و رانه‌نده‌ی پێژوه‌كه‌یش بریندار بوو.