كوژران و بریندار بوونی سێ كرێكار

175
رۆژی یه‌كشه‌ممه‌ ٤ی مانگی گه‌لاوێژ، سێ كرێكار له‌ چه‌ند رووداوی جیاجیادا به‌ هۆی نه‌بوونی ستانداردی ئیمه‌نی شوێنی كار، تووشی رووداو بوون.به‌ پێی راپۆرته‌كان، كرێكارێك به‌ ناوی “په‌یام لوتفی” خه‌ڵكی ئاوایی “مه‌ره‌بزان”ی شاری سنه‌ كه‌ به‌ مه‌به‌ستی دابین كردنی به‌ڕێچوونی ژیانی روویكردبووه‌ شاری هه‌ولێری هه‌رێمی كوردستان، به‌ هۆی به‌رق گرتوویی به‌ سه‌ختی بریندار و دوای چه‌ند رۆژ مانه‌وه‌ له‌ نه‌خۆشخانه‌ی ئه‌و شاره‌، گیانی له‌ده‌ستدا. له‌ لایه‌كی دیكه‌وه‌ به‌ پێی راپۆرتی “هێرانا”، دوو كرێكار له‌ كاتی كار له‌ ساختمانێك له‌ شاری مه‌شهه‌د به‌ هۆی داڕمانی ئاوار، له‌ قووڵایی ١٠ مێتری زه‌وی گیریان كرد و یه‌كێكیان گیانی له‌ده‌ستدا و یه‌كێكی دیكه‌شیان به‌ سه‌ختی بریندار بوو. شایانی باسه‌ به‌ وته‌ی هه‌ڵسووڕاوانی كرێكاری له‌ هه‌رێمی كوردستان، هیچ یاساییه‌ك بۆ پشتیوانی له‌ كرێكاران نییه‌ و ئه‌م بابه‌ته‌ بارودۆخێكی ناله‌باری بۆ كرێكاران به‌ تایبه‌ت كرێكارانی ساختمانی پێكهێناوه‌.

About admin

mnykkargarhastam

View all posts by admin →