كۆبوونه‌وه‌ی خوێندكارانی دانیشگای یاسوج

30q
به‌ پێی راپۆرتی هه‌واڵنێری حكومه‌تی مێهر، ژماره‌یه‌ك له‌ خوێندكارانی دانیشگای یاسوج به‌ هۆی نه‌بوونی خابگا، له‌ مه‌یدانی “ئۆستاد”ی ئه‌م دانیشگایه‌ كۆبوونه‌وه‌ی ناڕه‌زایه‌تیان وه‌ڕێخست.
به‌ پێی ئه‌م راپۆرته‌، به‌ وته‌ی خوێندكاران، به‌رپرسانی ئه‌م دانیشگایه‌ بڕیاربوو هه‌فته‌ی رابردوو خابگای تازه‌ دامه‌زراوی “بالا ته‌په‌” بۆ خوێندكارانی كچ ئاماده‌ و له‌ ئێختیاریان دابنێت و كێشه‌ی خابگا چاره‌سه‌ر بكه‌ن، به‌ڵام تا ئێستا له‌مباره‌وه‌ هیچ كارێك نه‌كراوه‌. خوێندكاران رایانگه‌یاند: زه‌رفیه‌تی ژووری خوێندكاران له‌ خابگاكانی ئه‌م دانیشگایه‌ چوار كه‌سه‌ كه‌ نزیكه‌ی دوو به‌رابه‌ری ئه‌م زه‌رفیه‌ته‌ تێدا نیشته‌جێ كراون. شایانی باسه‌ هه‌ندێك له‌ خوێندكاران دوای تێپه‌ڕ بوونی نزیكه‌ی دوو هه‌فته‌ به‌سه‌ر ساڵی نوێ خوێندن، هێشتا له‌ نه‌مازخانه‌ی یه‌كێك له‌ خابگا كچانه‌كان جێگیر كراون.