كۆبوونه‌وه‌ی خۆێندكارانی به‌شی په‌ره‌ستاری له شاره‌ جیاجیاكانی ئێران

421q
هاوكات له‌گه‌ڵ دژایه‌تی توندی په‌ره‌ستاران و خۆیندكارنی په‌ره‌ستاری ئێران، خۆێندكارانی ڕشته‌ی په‌ره‌ستاری له شاره‌كانی “تاران، ئیسفه‌هان، بۆجنورد و كاشان” له ناڕه‌زایه‌تی به‌ په‌سه‌ند كرانی گه‌ڵاڵه‌ی “ته‌ربیه‌تی په‌ره‌ستاری بیمارستانی” و كه‌م ره‌نه‌گ كردنی ئاستی ئاكادێمیكی په‌ره‌ستاری، به‌ شێوه‌یه‌كی هاوئاهه‌نگ كۆبوونه‌وه‌.
رۆژی سێشه‌ممه‌ ١٠ی مانگی سه‌رماوه‌ز زیاتر له ٤٠٠ خۆیندكاری په‌ره‌ستاری له ناڕه‌زایه‌تی به په‌سه‌ندكرانی ئه‌م گه‌ڵاڵه‌ تازه‌یه‌‌ سه‌باره‌ت به‌ ده‌وری ئازادی یه‌كساڵه‌ی ته‌ربیه‌تی په‌ره‌ستار، له‌به‌ر وه‌زاره‌تی بێهداشتی رژیم كۆبوونه‌وه‌. هاوكات خوێندكارانی په‌ره‌ستاری دانیشگای ئازادی بۆجنورد، دانیشگای علوم پزیشكی ئیسفه‌هان و دانیشكه‌ده‌ی په‌ره‌ستاری و مامایی دانیشگای علوم پزیشكی كاشانیش به‌ وه‌ڕێخستنی كۆبوونه‌وه‌ی ناڕه‌زایه‌تی، خوازیاری هه‌ڵوه‌شانه‌وه‌ی ئه‌م گه‌ڵاڵه‌یه‌ی وزاره‌تی بێهداشتی رژیم بوون. به‌ وته‌ی ناڕازییان، ئه‌م گه‌ڵاڵه‌یه‌ سه‌ره‌ڕای هه‌ڕه‌شه‌ بۆ سه‌ر ئه‌منیه‌تی شۆغلی په‌ره‌ستاران، گیانی نه‌خۆشه‌كانیش ده‌خاته‌ مه‌ترسییه‌وه‌ كه‌ ئه‌مه‌ گرینگترین ئه‌سڵ له پیشه‌ی په‌ره‌ستارییه‌. به‌ پێی ئه‌م گه‌ڵاڵه‌یه‌، نه‌خۆشخانه‌ ده‌وڵه‌تی و خوسوسییه‌كان رێگه‌یان پێده‌درێت تا به‌ شێوه‌ی سه‌ربه‌خۆ و به‌ كه‌مترین ئیمكاناتی ئاموزشی و هێزی ئینسانی پسپۆڕ، په‌ره‌ستاران ئاموزش بده‌ن. خۆیندكاران رایانگه‌یاندووه له‌دژی گه‌ڵاڵه‌ نابه‌رپرسانه‌كانی‌ وزاره‌تی بیهداشت كه‌ زیان به‌ ته‌ندروستی كۆمه‌ڵگا ده‌گه‌یه‌نێت، راده‌وه‌ستن و له‌ مافه‌كانی خه‌ڵك له‌ به‌شی سڵامه‌ت دیفاع ده‌كه‌ن.