كۆبوونه‌وه‌ی كرێكارانی مه‌عده‌نی به‌ردی خه‌ڵوزی زه‌مێستان یۆرت

667q
رۆژی یه‌كشه‌ممه‌ ١٣ی مانگی به‌فرانبار كۆمه‌ڵێك له‌ كرێكارانی مه‌عده‌نی به‌ردی خه‌ڵوزی ” “زه‌مێستان یۆرت” باكوری رۆژئاوای ئازادشه‌هری ئۆستانی گۆڵستان له‌ ناڕه‌زایه‌تی به‌ په‌رداخت نه‌كرانی هه‌قده‌سته‌كانیان له‌ به‌ر فه‌رمانداریی رژیم كۆبوونه‌وه‌.
به‌ وته‌ی ناڕازیان، ماوه‌ی زیاتر له‌ ١١ مانگه‌ كه‌ هه‌قده‌ستیان پێنه‌دراوه‌ و ئه‌م بارودۆخه‌ گوزه‌رانی ژیانی زۆر سه‌خت و دژوار كردۆوه‌. كرێكاران هه‌روه‌ها سه‌باره‌ت به‌ شێوه‌ی ئیجرای ته‌رحی “ته‌به‌قه‌به‌ندی مه‌شاغڵ” ناڕازیین، له‌ به‌ر ئه‌وه‌یكه‌ به‌ وته‌ی ئه‌وان هه‌قده‌ستیان له‌ دوای ئیجرای ئه‌م ته‌رحه‌ گۆڕانی به‌سه‌ردا نه‌هاتۆوه‌. كرێكاران ده‌ڵێن، نیازی مانگرتنێكی سێ رۆژه‌یان هه‌یه‌ و ئه‌گه‌ر به‌ كێشه‌ و گرفته‌كانیان ڕانه‌گه‌ن، له‌گه‌ڵ بنه‌ماڵه‌كانیان درێژه‌ به‌ مانگرتنه‌كه‌یان ده‌ده‌ن.