كۆبوونه‌وه‌ی موعه‌لیمان له‌ شاری سه‌قز

580
سه‌عات ١٠ تا ١٢ی نیوه‌ڕۆی رۆژی پێنجشه‌ممه‌ ١٦ی مانگی ره‌زبه‌ر، له‌ وڵام به‌ بانگه‌وازی شورای هه‌ماهه‌نگی رێكخراوه‌ سێنفییه‌ فه‌رهه‌نگییه‌كان، وه‌كوو شاره‌كانی دیكه‌ی ئێران، له‌ به‌رده‌م ئیداره‌ی ئاموزش و په‌روه‌رش كۆبوونه‌وه‌ی ناڕه‌زایه‌تی به‌ڕێوه‌چوو.
سه‌ره‌ڕای ئه‌وه‌یكه‌ له‌ چه‌ند رۆژ له‌وه‌پشه‌وه‌ له‌ رێگای جیاجیادا هه‌وڵ درا پێش به‌ به‌شداری موعه‌لیمان و ته‌نانه‌ت هه‌ڵسووڕاوانی سێنفی له‌م كۆبوونه‌وه‌یه‌ بگیردرێت، به‌ڵام سه‌رله‌نوێ نزیكه‌ی ٣٠٠ موعه‌لیم، بۆ پشتیوانی له‌ هاوكارانی سێنفی به‌ندكراویان و به‌دواداچوونی ماف و مه‌زایاكانیان، به‌ هه‌ڵگرتنی پلاكارد، سه‌رله‌نوێ نیشانیان دا كه‌ ئه‌وان له‌ پێناو گه‌یشتن به‌ داخوازییه‌كانیان هه‌موو هه‌وڵێك ئه‌ده‌ن و ته‌سلیم نابن.