كۆبوونه‌وه‌ی ناره‌زایه‌تیی جووتیارانی به‌رهه‌م هێنه‌ری ته‌ماته‌،له‌ شاری هه‌شت به‌ندی

رۆژی سێشه‌ممه‌ ٧ی رێبه‌ندان، جووتیارانی به‌رهه‌م هێنه‌ری ته‌ماته‌ له‌ شاری هه‌شت به‌ندی ئۆستانی هۆرمۆزگان، له‌ ناره‌زایه‌تیی به‌ له‌ خواره‌وه‌ بوونی نێرخی ته‌ماته‌ و زه‌ره‌رمه‌ندبوونیان، جاده‌ی مابه‌ینی هه‌شت به‌ندی و مینابیان داخست و هه‌ر له‌ویش كۆبوونه‌وه‌ی ناره‌زایه‌تییان به‌رێوه‌برد.

له‌م كۆبوونه‌وه‌یه‌دا، جووتیارانی به‌رهه‌م هێنه‌ری ته‌ماته‌، به‌ هۆی له‌ خواربوونی نێرخی ته‌ماته‌، هیچ رێگه‌یه‌كیان نه‌ماوه‌ جگه‌ له‌ پارك كرد‌نی ماشینه‌كانیان و كۆبوونه‌وه‌ و ناره‌زایه‌تیی ده‌ربڕین به‌م بارودۆخه‌. نارازییان ده‌ڵێن: نێرخی ته‌ماته‌ زۆر له‌ خوارێیه‌ و جوابده‌ره‌وه‌ی هه‌زینه‌ی به‌رهه‌م هێنانیان نییه‌ و زه‌ره‌ر و زیانێكی زۆریان دیوه‌. شایانی باسه‌ كه‌ له‌ ماوه‌ی چه‌ند حه‌فته‌ی رابردوودا سه‌یفی كارانی مه‌نته‌قه‌ی شه‌رقی هۆرمۆزگانیش له‌ ناره‌زایه‌تیی به‌ نه‌بوونی كڕیار و له‌ خواره‌وه‌بوونی قیمه‌ته‌كان، به‌رهه‌مه‌كانیان له‌ سه‌ر شه‌قامه‌كان هه‌ڵڕژاندبوو.