كۆبوونه‌وه‌ی ناڕه‌زایه‌تیی كرێكارانی شاره‌داریی ئه‌روه‌ندكه‌نار

كرێكارانی شاره‌داریی ئه‌روه‌نده‌ كه‌نار، هه‌ڵكه‌وتوو له‌ ئۆستانی خووزستان، ڕۆژی پێنجشه‌ممه‌ ٩ی ڕێبه‌ندان، له‌ ناڕه‌زایه‌تی به‌ نه‌درانی حه‌قده‌ست و بیمه‌كانیان، ده‌ستیا دایه‌ كۆبوونه‌وه‌.

به‌ وته‌ی ناڕازیان: چه‌ندین ساڵه‌ كه‌ حه‌قده‌ست و حه‌قی بیمه‌كانیان دوا ده‌خرێت و هه‌تا ئێستا موتالباتی ٥ تا ٦ مانگیان پێنه‌دراوه‌. له‌ هه‌مان حاڵیشدا، ده‌فته‌رچه‌ی ده‌رمانیی كرێكاران به‌هۆی په‌رداخت نه‌كرانی حه‌قی بیمه‌ به‌ ته‌ئمینی ئیجتماعی، دووباره‌ نه‌كراونه‌ته‌وه‌.  هه‌روه‌ها ده‌شڵێن: سه‌ره‌ڕاڕی كۆبوونه‌وه‌ی به‌رده‌وام له‌ به‌رامبه‌ر بینای شۆرای شار و شاره‌داری، هێشتا داخوازییه‌كانیان جێبه‌جێ نه‌كراوه‌.