كۆبوونه‌وه‌ی ناڕه‌زایه‌تی دوكانداران له‌ پاوه‌ و هه‌رسین

218
رۆژی چوارشه‌ممه‌ ١٤ی مانگی گه‌لاوێژ، ژماره‌یه‌ك له‌ دوكاندارانی “پاوه‌ و هه‌رسین”ی سه‌ربه‌ ئۆستانی كرماشان له‌ ناڕه‌زایه‌تی به‌ چوونه‌سه‌ره‌وه‌ی‌ بێسه‌ره‌وبه‌ره‌ی ماڵیاته‌كان، كۆبوونه‌وه‌ی ناڕه‌زاییه‌تیان وه‌ڕێخست.دوكاندارانی شه‌قامی “شێخ فه‌رهود” له‌ شاری پاوه‌ له‌ ناڕه‌زایه‌تی به‌ چوونه‌سه‌ره‌وه‌ی بێ بنه‌مای ماڵیاته‌كان كۆبوونه‌وه‌. ناڕازییان رایانگه‌یاندووه‌: به‌ سه‌ره‌نجدان به‌ بارودۆخی خراپ و ناله‌باری به‌ڕێچوونی ژیان، توانایی په‌رداخت كردنی ماڵیاته‌ دیاریكراوه‌كانیان نییه‌. هه‌روه‌ها له‌ حه‌ره‌كه‌تێكی هاوشێوه‌دا له‌ شاری “هه‌رسین”ی كرماشانیش زۆربه‌ی خارۆبار فرۆشه‌كان له‌دژی وه‌رگرتنی ماڵیاتی رژیمی كۆماری ئیسلامی، له‌ به‌رامبه‌ر ئیداره‌ی ماڵیات كۆبوونه‌وه‌ی ناڕه‌زایه‌تیان وه‌ڕێخست.