كۆبوونه‌وه‌ی ناڕه‌زایه‌تی فه‌رمانبه‌رانی نه‌خۆشخانه‌ی فارابی كرماشان

343
رۆژی پێنجشه‌ممه‌ ٥ی مانگی گه‌لاوێژ، ژماره‌یه‌ك له‌ فه‌رمانبه‌رانی نه‌خۆشخانه‌ی فارابی له‌ كرماشان له‌ ده‌وروبه‌ری ئه‌م نه‌خۆشخانه‌یه‌، كۆبوونه‌وه‌ی ناڕه‌زایه‌تیان وه‌ڕێخست. به‌ پێی راپۆرته‌كان، فه‌رمانبه‌ران له‌م كۆبوونه‌وه‌ ناڕه‌زایه‌تییه‌ خوازیاری په‌رداخت كردنی مه‌زایاكانیان بوون. به‌ وته‌ی ناڕازییان، له‌ مانگی خاكه‌لێوه‌وه‌ تا ئێستا، ئیزافه‌ حقوقی فه‌رمانبه‌رانی ئه‌م نه‌خۆشخانه‌یه‌ په‌رداخت نه‌كراوه‌. خۆپیشانده‌ران رایانگه‌یاندووه‌، ئه‌گه‌ر تا چه‌ند رۆژی داهاتوو پاره‌ی ئیزافه‌كارییه‌كانیان په‌رداخت نه‌كرێت، له‌ به‌ڕێوه‌بردنی هه‌ر چه‌شنه‌ ئیزافه‌كارییه‌ك خۆده‌بوێرن و مانگرتن وه‌ڕێده‌خه‌ن.