كۆبوونه‌وه‌ی ناڕه‌زایه‌تی كرێكاران له‌ به‌رامبه‌ر فه‌رمانداری میاندروود

228y
رۆژی دووشه‌ممه‌ ٧ی مانگی گوڵان، كرێكارانی شیركه‌تێكی به‌رهه‌مهێنه‌ر و به‌سته‌به‌ندی مریشك له‌ میاندروود، له‌ ناڕه‌زایه‌تی به‌ دواخرانی حه‌قده‌ست و مه‌زایانیاكانیان له‌ به‌رامبه‌ر فه‌رمانداری رژیم له‌م شاره‌ كۆبوونه‌وه‌.
لانیكه‌م ١٥٠ كرێكاری ناڕازی ئه‌م شیركه‌ته‌ به‌ به‌ڕێوه‌بردنی كۆبوونه‌وه‌ی ناڕه‌زایه‌تی، خوازیاری پێڕاگه‌یشتن به‌ كێشه‌ و گرفت و مه‌زایاكانیان بوون. به‌ وته‌ی كرێكاران، زۆربه‌یان پێشینه‌ی كاریی ١٨ تا ٢٠ ساڵیان هه‌یه‌ و چوار مانگه‌ كه‌ حه‌قده‌ست و باقی مه‌زایای دواخراویان له‌ لایه‌ن خاوه‌نكاره‌وه‌ په‌رداخت نه‌كراوه‌. هه‌روه‌ها به‌ وته‌ی كرێكارانی ناڕازی، مودیریه‌تی شیركه‌ت به‌ بیانووی بێ قازانج بوونی ئه‌م واحیده‌ به‌رهه‌مهێنه‌ره‌ زۆربه‌یانی له‌سه‌ر كار ده‌ركردووه‌.