كۆبوونه‌وه‌ی ناڕه‌زایه‌تی په‌ره‌ستارانی نه‌خۆشخانه‌ی ئه‌لبۆرز

625y
به‌ پێی راپۆرتی هه‌واڵنێری حكومه‌تی ئیلنا، رۆژی شه‌ممه‌ ٢٣ی مانگی جۆزه‌ردان په‌ره‌ستارانی نه‌خۆشخانه‌ی شه‌ریعه‌تی له‌ “ماهده‌شت”ی ئۆستانی ئه‌لبۆرز، له‌ ناڕه‌زایه‌تی به‌ به‌كرده‌وه‌ ده‌رهێنانی “گه‌ڵاڵه‌ی موبته‌نی به‌ر عه‌مه‌لكه‌رد”، كۆبوونه‌وه‌.به‌ وته‌ی په‌ره‌ستارانی ناڕازی، سه‌ره‌ڕای تێپه‌ڕ بوونی شه‌ش مانگ به‌سه‌ر به‌كرده‌وه‌ ده‌رهێنانی ئه‌م گه‌ڵاڵه‌یه‌، جیاوازی له‌ حقوقه‌كان هه‌روا به‌رچاوه. ئه‌مه‌‌ له‌ حاڵێكدایه‌ كه‌ ئه‌گه‌ر ئه‌م گه‌ڵاڵه‌یه‌، كارشناسی بكرێت و به‌ پێی پێشینه‌ی كاری كه‌سه‌كان و رێژه‌ی كاتێك كه‌ بۆ كار ته‌رخان ده‌كه‌ن به‌رچاو بگیرایات، نابێ به‌م شێوه‌یه‌ به‌ره‌وپێش بچواتایه‌. شایانی باسه‌ “گه‌ڵاڵه‌ی موبته‌نی به‌ر عه‌مه‌لكه‌رد” له‌ نیوه‌ی دووهه‌می ساڵی رابردوو له‌ زۆرێك له‌ نه‌خۆشخانه‌كانی ئێران به‌ شێوه‌ی ئازمایشی به‌كرده‌وه‌ ده‌رهات و زۆرێك له‌ په‌ره‌ستاران له‌ شاره‌ جیاجیاكانی جیهان سه‌باره‌ت به‌ به‌كرده‌وه‌ ده‌رهێنانی ئه‌م گه‌ڵاڵه‌یه‌ ناڕازیین. به‌ وته‌ی په‌ره‌ستاران، گه‌ڵاڵه‌ی “موبته‌نی به‌ر عه‌مه‌لكه‌رد”، ته‌فره‌قه‌ و دووبه‌ره‌كێ له‌ نێوان په‌ره‌ستارانی به‌پێشینه‌ و ته‌رحیی لێده‌كه‌وێته‌وه‌.