كۆبوونه‌وه‌ی هاوسه‌رانی كرێكارانی شاره‌داریی له‌نگروود

17
دوانیوه‌ڕۆی شه‌ممه‌ ١٣ی مانگی خه‌رمانان، هاوسه‌رانی كرێكارانی شاره‌داریی له‌نگروود له‌ ناڕه‌زایه‌تیی به‌ پێنه‌درانی چه‌ندین مانگ هه‌قده‌ستی كرێكاران، له‌ نێو بینای شوڕای شاری له‌نگروود كۆبوونه‌وه‌.
ناڕازییان وێڕای ئاماژه‌ به‌ بارودۆخی دژواری گوزه‌رانی بنه‌ماڵه‌ كرێكارییه‌كان، به‌رامبه‌ر به‌م بێمافییه‌ ناڕه‌زایه‌تییان ده‌ربڕی و خوازیاری چاره‌سه‌ركرانی كێشه‌وگرفتیان و هه‌روه‌ها درانی هه‌قده‌ست و مه‌زایاكانیان بوون. شایانی باسه‌ هه‌قده‌ستی ئه‌م كرێكارانه‌ ده‌بێ له‌ لایه‌ن ئه‌و شیركه‌ته‌وه‌ بدرێت كه‌ له‌گه‌ڵ شاره‌داریی قه‌راردادی هه‌یه‌. به‌هۆی ته‌ئخیری شاره‌داریی له‌ پێدرانی هه‌قده‌ست و مه‌زایاكان، شیركه‌تیش ده‌ڵێت بۆ درانی حقوقی كرێكاره‌كانی له‌گه‌ڵ كێشه‌ به‌ره‌وڕوو بووه‌ته‌وه‌. شایانی باسه‌ له‌ ماوه‌ی چه‌ند مانگی ڕابردووشدا ژماره‌یه‌ك له‌ كرێكارانی قه‌راردادیی و شیركه‌تیی له‌ئاست په‌یگیریی و به‌دواداچوونی له‌سه‌ر ئه‌م داواكارییانه‌ به‌ شاره‌داریی له‌نگروود ئێعتڕازییان كردبوو.