لێدان و ئه‌زیه‌ت و ئازاری زیندانیان له‌ ره‌جایی شه‌هر

170
به‌ پێی راپۆرتی “هێرانا”، رۆژی پێنجشه‌ممه‌ ١٨ی مانگی پووشپه‌ڕ، گاردی ویژه‌ی زیندانی “ره‌جایی شه‌هری كه‌ره‌ج” به‌ گواستنه‌وه‌ی زیندانیانی ئاسایی به‌ندی ٣ بۆ هه‌واخۆری، به‌ بیانووی بازڕه‌سی زیندانیانی به‌ سه‌ختی داوه‌ته‌ به‌ر لێدان و ئه‌زیه‌ت و ئازاربه‌ پێی ئه‌م راپۆرته‌، لێدان و ئه‌زیه‌ت و ئازاری زیندانیان تا راده‌یه‌ك بووه‌ كه‌ ده‌نگی مشت و له‌قه‌ و هاواری زیندانیان، گه‌یشتۆته‌ باقی سالۆنه‌كانی ئه‌م زیندانه‌. شایانی باسه‌، هه‌واخۆری به‌ندی ٣ له‌ نزیك سالۆنی ١٢، به‌ندی زیندانیانی سیاسی و عه‌قیده‌تی ره‌جایی شه‌هری كه‌ره‌ج دایه‌ و به‌ شێوه‌یه‌كی هاوشێوه‌ له‌ سه‌عاتگه‌لێكی جیاجیادا له‌ لایه‌ن سالۆنه‌كانی ئه‌م به‌نده‌وه‌ كه‌ڵكی لێوه‌رده‌گیردرێت.