مانگرتنی كرێكارانی سه‌نایه‌عی فلزی كووشا

650y
به‌ پێی راپۆرتی “یه‌كیه‌تی ئازادی كرێكارانی ئێران”، كرێكارانی شیركه‌تی سه‌نایه‌عی فلزی “كووشا” هه‌ڵكه‌وتوو له‌ جاده‌ی قزڵحه‌ساری ئۆستانی ئه‌لبۆرز له‌ ناڕه‌زایه‌تی به‌ نه‌درانی حه‌قده‌سته‌كانیان، مانیان گرتووه‌.به‌ پێی ئه‌م راپۆرته‌، كرێكارانی ئه‌م شیركه‌ته‌ كه‌ نزیكه‌ی ١٠٠ كه‌س ده‌بن له‌ رۆژی شه‌ممه‌ ٢٣ی مانگی جۆزه‌ردانه‌وه‌ له‌ ناڕه‌زایه‌تی به‌ دواخرانی ٣ مانگ حه‌قده‌ست و مه‌زایاكانیان، مانیان گرتووه‌. له‌م پێوه‌نده‌دا رۆژی دووشه‌ممه‌ ٢٥ی مانگی جۆزه‌ردان، كرێكارانی ناڕازی له‌ ئیداره‌ی كاری رژیم له‌ ئه‌لبۆرز، ده‌ستیان دایه‌ كۆبوونه‌وه‌. شایانی باسه‌، خاوه‌نكار بۆ به‌ربه‌ره‌كانێ له‌گه‌ڵ مانگرتنی كرێكاران، سرویسی هاتووچۆ و نه‌هاری كرێكارانی قه‌تع كردووه‌ و هه‌ڕه‌شه‌ی له‌ كرێكاران كردووه‌ كه‌ ئه‌گه‌ر كۆتایی به‌ مانگرتنه‌كه‌یان نه‌هێنن، كرێكاران له‌سه‌ر كار ئیخراج ده‌كات.