مانگرتنی كرێكارانی شیركه‌تی فه‌راب

965
به‌ پێی راپۆرته‌كان، ژماره‌یه‌ك له‌ كرێكارانی شیركه‌تی “فه‌راب” له‌ ناڕه‌زایه‌تی به‌ نه‌درانی حه‌قده‌سته‌ دواخراوه‌كانیان، مانیان گرت.
به‌ پێی ئه‌م راپۆرته‌، كرێكارانی شیركه‌تی فه‌راب، یه‌كێك له‌ شیركه‌ته‌ په‌یمانكارییه‌كانی پاڵایشگای ستاره‌ی خه‌لیجی به‌نده‌رعه‌باس، له‌ ناڕه‌زایه‌تی به‌ دواخرانی شه‌ش مانگ حه‌قده‌سته‌كانیان مانیان گرت و له‌گه‌ڵ كاربه‌ده‌ستانی شیركه‌ت تێكهه‌ڵچوون. كرێكارانی هه‌روه‌ها ئه‌م شیركه‌ته‌ سه‌باره‌ت به‌ “سه‌پاندنی بێ مافی، ئالوده‌گی زیاتر له‌ رابردووی شوێنی پاڵایشگا و كه‌ش و هه‌وای ده‌وروبه‌ر، گه‌رمای توند و ئالایه‌نده‌ی جیاجیا له‌وانه‌ تۆز و خۆڵ، بێ ئاوی، بڕانی به‌رده‌وامی به‌رق، نه‌بوونی ئیمكاناتی بێهداشتی و ریفاهی و ئیخراج و بێكارسازی، ناڕازیین.