رۆژی یه‌كشه‌ممه كاربه‌ده‌ستێكی ده‌وڵه‌تی لیبی هه‌واڵی داخرانی مه‌یدانی گرینگی نه‌وتی “ئه‌لفه‌یل”ی ئه‌م وڵاته‌ی به هۆی مانگرتنی كرێكاران راگه‌یاند.كرێكارانی مه‌یدانی نه‌وتی “ئه‌لفه‌یل”ی لیبی له ناڕه‌زایه‌تی به نه‌درانی حه‌قده‌سته‌كانیان، مانیان گرت و چالاكی ئه‌م مه‌یدانه‌یان راگرتووه. ئه‌م مه‌یدانه نه‌وتییه به شێوه‌ی هاوبه‌ش له ئێختیار شیركه‌تی گه‌وره‌ی وزه‌ی “ئێنی” ئیتالیا و شیركه‌تی میللی نه‌وتی لیبی دایه. مه‌یدانی “ئه‌لفه‌یل” به‌شێكی به‌رین له سه‌نعه‌تی نه‌وتی لیبی به ئه‌ژمار دێت. ئه‌م مه‌یدانه رۆژانه نزیكه‌ی ١٠٠ هه‌زار بۆشكه له سه‌رجه‌م به‌رهه‌می كه‌متر له ٦٠٠ هه‌زار بۆشكه‌یی لیبی له‌ئه‌ستۆیه.
