مانگرتنی په‌ره‌ستاران له‌ شاره‌ جیاجیاكانی ئێران

366
له‌ ماوه‌ی رۆژانی چوارشه‌ممه‌ و پێنجشه‌ممه‌ ٧ و ٨ی مانگی گه‌لاوێژ، په‌ره‌ستارانی هه‌ندێك له‌ نه‌خۆشخانه‌كانی شاره‌كانی “تاران، سه‌ڵماس و بجنورد” مانیان گرت و ناڕه‌زایه‌تیان ده‌ربڕی.
به‌ پێی راپۆرته‌كان، رۆژی پێنجشه‌ممه‌، ژماره‌یه‌ك له‌ په‌ره‌ستارانی نه‌خۆشخانه‌كانی “حوسه‌ین، رساله‌ت و هاشمی نژاد” له‌ تاران له‌ ناڕه‌زایه‌تی به‌ گه‌ڵاڵه‌ی موبته‌نی به‌ر عه‌مه‌لكه‌رد مانیان گرت و ناڕه‌زایه‌تیان ده‌ربڕی. هه‌روه‌ها په‌ره‌ستاران سه‌باره‌ت به‌ هه‌ڵاواردن و له‌خواره‌وه‌ بوونی حه‌قده‌سته‌كان و په‌رداخت نه‌كردنی مه‌زایا ره‌واكانیان ناڕازیین. رۆژی چوارشه‌ممه‌ش، په‌ره‌ستارانی نه‌خۆشخانه‌ی “خاتمۆلئه‌نبیا” له‌ سه‌لماس له‌ ناڕه‌زایه‌تی به‌ گه‌ڵاڵه‌ی ناعادڵانه‌ی موبته‌نی به‌ر عه‌مه‌لكه‌رد ده‌ستیان له‌ كار كێشایه‌وه‌ و له‌ ده‌ورووبه‌ری نه‌خۆشخانه‌ كۆبوونه‌وه‌. له‌ لایه‌كی دیكه‌وه‌ هه‌ر له‌م رۆژه‌دا كرێكاران و كارمه‌ندانی ناوه‌ندی ئێنتقالی خوێن له‌ شاری بجنورد له‌ ناڕه‌زایه‌تی به‌ په‌رداخت نه‌كردنی دوو مانگ حه‌قده‌ستی دواخراویان، مانیان گرت و له‌ به‌رامبه‌ر ده‌فته‌ری مودیریه‌تی سازمانی ناوه‌ندی ئێنتقالی خوێنی ئه‌م ئۆستانه‌ له‌ بێجنورد، كۆبوونه‌وه‌.