مانگرتن له‌خواردنی ئاسۆ رۆسته‌می بۆ پشتیوانی له‌ هه‌ڵسووڕاوانی مه‌ده‌نی

894
به‌ پێی راپۆرته‌كان، ئاسۆ رۆسته‌می خه‌ڵكی یه‌كێك له‌ ناوچه‌كانی كوردستان و به‌ندكراو له‌ زیندانی ئێوین، بۆ پشتیوانی له‌ هه‌ڵسووڕاوانی مه‌ده‌نی مانی له‌خواردن گرتووه‌.
به‌ پێی ئه‌م هه‌واڵه‌، ئاسۆ رۆسته‌می كه‌ ١٥ مانگ له‌ حه‌وت ساڵ حوكمی ده‌ركراوی خۆی تێپه‌ڕ كردووه‌، خوازیاری ئازادی بێ شه‌رت و مه‌رجی ده‌ستبه‌سه‌ر كراوانی ئه‌م دواییانه‌ بووه‌. له‌ ماوه‌ی دوو هه‌فته‌ی رابردوودا نزیكه‌ی ٢٠ كه‌س له‌ كه‌سوكاری زیندانیانی سیاسی، بێسه‌روشوێن بووان و هه‌ڵسووڕاوانی مه‌ده‌نی، له‌ به‌رامبه‌ر زیندانی ئێوین و ساختمانی لاستیكی دێنا له‌ شاری تاران كۆبوونه‌وه‌ی ناڕه‌زایه‌تیان وه‌ڕێخست و خوازیاری وڵامدانه‌وه‌ی كاربه‌ده‌ستانی ئه‌منیه‌تی و قه‌زایی به‌ بارودۆخیان بوون، به‌ڵام له‌ لایه‌ن هێزه‌ ئه‌منیه‌تییه‌كانی رژیمه‌وه‌ ده‌ستبه‌سه‌ر كران. شایانی باسه‌ رۆژی ٨ی مانگی سه‌رماوه‌ز زیاتر له‌ حه‌وت كه‌س له‌ زیندانیانی مانگرتوو كه‌ پێنج كه‌سیان ژن بوون، به‌ قه‌راری كه‌فاله‌ت ئازاد كران.