مه‌ترسیی ئێعدامی چوار تازه‌ لاو له‌ زیندانی ناوه‌ندیی سنه‌

633q
لانیكه‌م ٤ به‌ندكراو كه‌ له‌ ته‌مه‌نی تازه‌ لاویدا به‌ تۆمه‌تی “قه‌تڵ” ده‌ستبه‌سه‌ر و به‌ حۆكمی ئێعدام مه‌حكووم كراون، له‌ زیندانی ناوه‌ندیی سنه‌ له‌ چاوڕوانی به‌كرده‌وه‌ ده‌رهێنانی حوكمه‌كه‌یاندا به‌سه‌ر ده‌به‌ن.
“یوسف مۆحه‌ممه‌دی، سیاوه‌ش مۆحه‌ممه‌دی، ئامانج وه‌یسی و هێمن هه‌ورامی نژاد”، چوار تازه‌ لاوی مه‌حكووم به‌ ئێعدامن كه‌ له‌ كاتی ئه‌نجامدانی تاوان كه‌متر له‌ ١٨ ساڵ ته‌مه‌نیان بووه‌. په‌روه‌نده‌ی‌ سێ كه‌س له‌م تازه‌ لاوانه‌ هه‌روا له‌ دیوانی عالی ئێران و پزیشكی قانوونی رژیم له‌ ژێر لێكۆڵینه‌وه‌دایه‌. حوكمی ئێعدامی هێمن هه‌ورامی نژاد، دوای ئه‌ئیدكران له‌ لایه‌ن دیوانی عالی رژیم و ئیزنی ئیجرای حوكم،‌ ده‌رهێنانی حوكمه‌كه‌ی، بۆ سه‌رۆكایه‌تیی قووه‌ی قه‌زاییه‌ی رژیم نێردراوه‌. پێشتریش رێكخراوی لێبوردنی نێونه‌ته‌وه‌یی له‌ رێگه‌ی به‌یانێكه‌وه‌ وێڕای ناڕه‌زایه‌تیی به‌ ئێعدامی تازه‌ لاوان له‌ ئێران، خوازیاری راگیرانی حوكمی هێمن هه‌ورامی نژاد ببوو.