ناله‌باربوونی باروودۆخی تەندروستی ئیرەج مه‌حه‌ممه‌دی

671q
بە پێی راپۆرتی هه‌واڵنێری هێرانا، ئیرەج مه‌حه‌ممه‌دی به‌ندكراوی سیاسیی كە ماوه‌ی دوو هه‌فته‌ لەمەوبەر لە زیندانی زاهیدانەوە راپێچی زیندانی شاری تەورێز كرابوو لە باروودۆخێكی خراپی جەستەیی دا بەسەردەبا و بەرپرسانی زیندانیش رێگری دەكەن لە گواستنەوەی ناوبراو بۆ نەخۆشخانەی ده‌ره‌وه‌ی زیندان.
شایانی باسه‌ ئیره‌ج مه‌حه‌ممه‌دی به‌ندكراوی سیاسیی لە کاتی ده‌ستبه‌سه‌ر کرانیدا خراوه‌ته‌ ژێر ئازار و ئەشكەنجەی جەستەیی و دوای ٨ مانگ راگیران لە سلولی ئینفڕادیی سپای پاسداران لە شاری ورمێ، ئێستا لە باروودۆخێكی خراپی جەستەییدا بەسەردەبات، بەڵام به‌وحاڵه‌شه‌وه‌ی بەرپرسانی زیندان هیچ چارەسەرییەكیان بۆ نەكردووە و تەنانەت ده‌وا و ده‌رمانیشی پێناده‌ن.  جێگه‌ی ئاماژه‌یه‌ ئیرەج مه‌حه‌ممه‌دی لە مانگی گوڵانی ساڵی ١٣٨٨، بە تۆمەتی هاوكاری لە گەڵ یەكێك لە حیزبە نه‌یاره‌كانی رژیم دەستبەسەر و له‌ مانگی خاكەلێوەی ١٣٩١ بە ١٠ ساڵ زیندانی تەعزیری و دورخرانه‌وه‌ مەحكووم كرا