ناڕه‌زایه‌تیی هه‌واڵنێرانی بێسنوور به‌رامبه‌ر به‌‌ سانسۆڕ و سه‌ركوتی ئێنتێرنێتیی له‌ ئێران

46
ڕێكخراوی هه‌واڵنێرانی بێسنوور، ڕێژه‌ی قوورسبوونه‌وه‌ی سانسۆڕ له‌ ئێران و فیلتێر كردنی هاوكاتی چه‌ندین ماڵپه‌ڕی خه‌به‌رییان مه‌حكووم كرد.
به‌پێی ڕاپۆرتی ئه‌م ڕێكخراوه‌یه‌، ماوه‌ی یه‌ك هه‌فته‌ دوای خستنه‌ڕێی فازی یه‌كی تۆڕی نه‌ته‌وه‌یی ڕاگه‌یاندن یان با بڵێین “ئێنتێرنێتی حه‌ڵاڵ”، دوو هه‌واڵنێریی و چه‌ندین ماڵپه‌ڕی ڕاگه‌یاندن به‌ربه‌ست كراون. هه‌واڵنێرانی بێسنوور وێڕای ئاماژه‌ به‌ بانگ كران و ده‌ستبه‌سه‌ر كرانی زیاد له‌ ٨٠٠ كاربه‌ری ئینتێرنێت له‌ سه‌ره‌تای ئه‌مساڵه‌وه‌ له‌ سه‌رتاسه‌ری وڵات، ڕایگه‌یاند، له‌ ماوه‌ی یه‌كساڵی ڕابردوودا هه‌ندێ له‌ پارێزگای ئێران، سپای پاسدارانی ڕژیم كه‌سانی چالاك له‌ فه‌زای مه‌جازیی به‌ تۆمه‌ته‌كانی وه‌ك “ئه‌منییه‌تی ئه‌خلاقیی، مۆدێلینگی تاوانكارانه‌ یان سووكایه‌تیی به‌ مۆقه‌ده‌سات و باوه‌ڕه‌ ئاینییه‌كان”، ده‌ستبه‌سه‌ر كردووه‌.