ناڕه‌زایه‌تی خوێندكارانی دانیشگای كوردستان له‌ په‌ره‌سه‌ندنی مه‌وادی موخه‌در

183y (1)
رۆژی جومعه‌ ١١ی مانگی گوڵان، ژمارەیەك لە خوێندكارانی دانیشگای كوردستانی شاری سنه‌، سەبارەت به‌ په‌ره‌سه‌ندنی مه‌وادی موخه‌در له‌م دانیشگایه‌ ناڕه‌زایه‌تیان ده‌ربڕی.ژمارەیەك لە خوێندكارانی دانیشگای كوردستانی شاری سنه‌، بە مەبەستی ئاگاداركردنەوەی خوێندكاران لە مەترسیەكانی مادەی هۆشبەر، لە نێو ئەو دانیشگایه‌دا تراكتیان بڵاو كرده‌وه‌، به‌ڵام ئەم ناڕەزایه‌تییه‌ی خوێندكاران به‌ره‌وڕووی به‌رخوردی توندی ژمارەیەك لە خوێندكارانی بەسیجی بۆوه‌. بە وتەی خوێندكارانی ئه‌و دانیشگایه‌، خوێندكارە بەسیجیەكان مه‌وادی موخه‌در لە جۆری تریاك، حەشیش، كراك و شیشە بە نرخێكی زۆر هەرزان، به‌ خوێندكارانی كچ و كوڕی ئه‌م دانیشگایه‌ ده‌فرۆشن. بە پێی توێژینەوەكان، لە دانیشگاكانی ئێران، ٧٥ له‌سه‌دی خوێندكارانی كوڕ و ١٥ له‌سه‌دی خوێندكارانی كچ، لانیكەم یەك جار مه‌وادی موخه‌دریان بەكارهێناوە.