ناڕه‌زایه‌تی كرێكارانی خانه‌نشینكراوی موجته‌مه‌عی كشت و سه‌نعه‌تی هه‌فت ته‌په‌

420t

كرێكارانی خانه‌نشینكراوی موجته‌مه‌عی كشت و سه‌نعه‌تی “هه‌فت ته‌په‌” سه‌باره‌ت به‌ به‌كرده‌وه‌ ده‌رنه‌هێنانی ریزبه‌ندی پیشه‌كان له‌م ناوه‌نده‌ به‌رهه‌مهێنانه‌ ناڕازیین.
زیاتر له‌ ٤٠٠ كه‌س له‌ كرێكارانی خانه‌نشینكراوی موجته‌مه‌عی كشت و سه‌نعه‌تی هه‌فت ته‌په‌ له‌ژێر ناوی كارگه‌لێكی وه‌ك ئۆستادكاری یه‌ك، دو و سێ له‌ به‌شه‌كانی ته‌جهیزاتی مێكانیكی و كه‌شاوه‌رزی چالاكی ده‌كه‌ن، به‌ڵام به‌ هۆی ده‌ركردنی حوكمی خانه‌نشینییه‌كه‌یان پاش پێداچوونه‌وه‌ی گه‌ڵاڵه‌ی ریزبه‌ندی پیشه‌كان ناتوانن وه‌كوو شاغڵه‌كان و خانه‌نشینكراوانی ئه‌م دواییانه‌ له‌ مه‌زایای پێداچوونه‌وه‌ی مه‌بله‌غه‌كانی پێوه‌ندی به‌ كاره‌كانیانه‌وه‌ به‌هره‌مه‌ند بن. شایانی باسه‌ ئه‌م كرێكاره‌‌ خانه‌نشینكراوانه‌ رۆژی سێشه‌ممه‌ی هه‌فته‌ی رابردوو بۆ به‌دواداچوونی مه‌زایاكانیان، كۆبوونه‌وه‌یه‌كی ناڕه‌زایه‌تیان به‌ڕێوه‌برد.