هێرشی خۆكوژی بۆسه‌ر وێستگه‌یه‌كی بازڕه‌سی له‌ عه‌ره‌بستان

128
به‌ پێی راپۆرتی رۆیتێرز، شه‌وی پێنجشه‌ممه‌ ٢٥ی مانگی پووشپه‌ڕ دوابه‌دوای هێرشی خۆكوژی بۆسه‌ر وێستگه‌یه‌كی بازڕه‌سی له‌ “ریاز” پێته‌ختی عه‌ره‌بستانی سعودی، چه‌ند كه‌س كوژران و بریندار بوون. هێرشبه‌ره‌كه‌ دوای نزیك بوونه‌وه‌ له‌م ئیسته‌ بازڕه‌سییه‌ و گه‌مارۆدانی له‌ لایه‌ن مه‌ئمورانی پۆلیسه‌وه‌، ئۆتۆمبیله‌كه‌ی ته‌قانده‌وه‌ كه‌ به‌ هۆیه‌وه‌ فه‌رمانده‌ی ئیست بازڕه‌سییه‌كه كوژرا و دوو مه‌ئموریش بریندار بوون. ته‌قینه‌وه‌ی ئه‌م ئۆتۆمبیله‌ له‌ نزیك زیندانی “حائێر” روویداوه‌ كه‌ تێدا سه‌دان ئیسلامگه‌را، به‌ندكراون. شایانی باسه‌ گروپی ئیسلامگه‌رای داعش به‌رپرسایه‌تی ئه‌م ته‌قینه‌وه‌ی وه‌ئه‌ستۆ گرتووه‌ و رایگه‌یاندووه‌: تا كاتی ئازادی ئیسلامگه‌رایانی زیندانی له‌ زیندانی حائێر، درێژه‌ به‌ هێرشه‌كانی ده‌دات.