هێرشی هه‌وایی توركییا بۆ سه‌ر كه‌مپی په‌نابه‌رانی مه‌خموور

ڕۆژی شه‌ممه‌ ١٥ی جۆزه‌ردان، سێ كه‌سی مه‌ده‌نی دانیشتووی كه‌مپی په‌نابه‌رانی مه‌خموور، به‌ هۆی بوردوومانی فرۆكه‌كانی توركییاوه‌ گیانیان له‌ده‌ست دا و چه‌ندین كه‌سیش به‌سه‌ختی بریندار بوون.

به‌ پێی ڕاپۆرته‌كان، ڕۆژی شه‌ممه‌ هێرشی په‌هبادی ڕژیمی توركییا بۆ سه‌ر زەوییەکی كایه‌ی منداڵان له‌ ده‌ورووبه‌ری قۆتابخانه‌یه‌ك له‌ كه‌مپی په‌نابه‌رانی مه‌خموور، بووه‌ هۆی گیان له‌ده‌ست دان و برینداربوونی چه‌ندین كه‌سی مه‌ده‌نیئه‌م هێرشانه‌ به‌ دوای هه‌ڕه‌شه‌كانی سه‌رۆك كۆماری توركییا ڕوویداوه‌ كه‌ ڕایگه‌یاندبوو: “كه‌مپی په‌نابه‌رانی مه‌خموور حه‌شارگه‌ی هێزه‌كانی گه‌ریلایه‌ و ده‌یسڕینه‌وه‌“. شایانی باسه‌ كه‌ هێرش بۆ سه‌ر ئه‌م كه‌مپه‌ ساڵێك پێش ئێستاش له‌ لایه‌ن فرۆكه‌ جه‌نگییه‌كانی توركیاوه‌ كرابوو.