په‌رداختی به‌شێك له‌ مه‌زایای كرێكارانی ناڕازی مه‌عده‌نی زمستان یۆرت

641t

داوبه‌دوای كۆبوونه‌وه‌ی جیاجیای كرێكارانی “ز‌مستان یۆرت” له ماوه‌ی‌ یه‌كمانگی رابردوودا، سه‌رئه‌نجام خاوه‌نكاری ئه‌م ناوه‌نده‌ مه‌عده‌نییه‌ رۆژی دووشه‌ممه‌ ٢٥ی مانگی ره‌شه‌ممه‌، به‌شێك له‌ حه‌قده‌ست و مه‌زایای دواخراوی كرێكارانی په‌رداخت كرد‌.
زیاتر له‌ ٧٠٠ كه‌س له‌ كرێكارانی به‌شه‌كانی شوماڵی غه‌رب و شه‌رقی مه‌عده‌نی به‌ردی خه‌له‌وه‌زی یۆرت هه‌ڵكه‌وتوو له‌ ئازاد شاری ئۆستانی گۆلستان له‌ رۆژی ١٢ تا ٢٤ی مانگی ره‌شه‌ممه‌، له‌ چه‌ندین حاڵه‌تی جیاجیادا له‌ ناڕه‌زایه‌تی به‌ نه‌درانی حه‌قده‌ست و مه‌زایای مانگه‌كانی گوڵان، خه‌زه‌ڵوه‌ر، سه‌رماوه‌ز، به‌فرانبار و رێبه‌ندانی ئه‌مساڵ و هه‌وره‌ها نه‌درانی مافی چه‌ژنانه‌ی ساڵی رابردوو و ئه‌مساڵی خۆیان، له‌ ده‌ورووبه‌ری ئه‌م مه‌عده‌نه‌ كۆبوونه‌وه‌ و ده‌ستیان له‌ كار كێشایه‌وه‌. له‌ كۆتاییدا خاوه‌نكار ناچار به‌ په‌رداخت كردنی حه‌قده‌ستی مانگی خه‌زه‌ڵوه‌ر، مافی چه‌ژنانه‌ی ساڵ ٩٢ و ٩٣ به‌م كرێكارانه‌ په‌رداخت كردووه‌.