په‌رداخت نه‌كردنی خه‌ساره‌ت به‌ مناڵانی شیناوێ

946
سەرەڕای تێپەڕبوونی سێ ساڵ بەسەر ئاگرگرتنی مه‌دره‌سه‌ی سەرەتایی ئاوایی “شیناوێ”ی پیرانشار، تا ئێستا خه‌ساره‌ت به‌ مناڵانی شیناوێ په‌رداخت نه‌كراوه‌.
هه‌ر له‌م پێوه‌نده‌دا دانی خه‌ساره‌ت به‌ بنه‌ماڵه‌ی دوو خوێندكاری ئاوایی شیناوێ کە لە جه‌رانی رووداوی ئاگرگرتنی مه‌دره‌سه‌كه‌یاندا، لە ناوه‌ڕاستی مانگی سەرماوەزی ٩١ گیانیان لەدەستدا په‌رداخت نه‌كراوه‌. هه‌روه‌ها خه‌ساره‌تی كامڵ به‌ بریندارانی ئه‌م رووداوه‌ دڵته‌زێنه‌ نه‌دراوه‌. جێگای وه‌بیرهێنانه‌وه‌یه‌ كه‌ رێكه‌وتی ١٥‌ی مانگی سەرماوەزی ساڵی ١٣٩١‌، ٣٧ كچە خوێندكاری قۆناغی ئێبتدادیی، بە هۆی ئاگرگرتنی سۆبەی پۆلەكەیان لە مه‌دره‌سه‌ی ئاوایی “شیناوێ”‌ی پیرانشار، سووتان و بەو هۆیەوە دوو كەس لەو خوێندكارانه‌ بە ناوەكانی “سەیران یەگانە” و “سارینا رەسووڵزادە” گیانیان لەدەست دا.