په‌رداخت نه‌كردنی مه‌زایای موزدی كرێكارانی خانه‌نشینكراوی سه‌نعه‌تی فولاد

199
به‌ پێی دانپێدانانی نوێنه‌ری مه‌جلیسی رژیم له‌ “قائێمشه‌هر و سه‌وادكووه”‌، حه‌قده‌ستی دواخراوی ٢٠ مانگی ٨٢ هه‌زار كرێكاری خانه‌نشینكراوی سه‌نعه‌تی فولاد، تا ئێستا په‌رداخت نه‌كراوه‌.به‌ وته‌ی ناوبراو، به‌ سه‌رنجدان به‌ ئاماری خانه‌نشینكراوانی ئه‌ندامی سندوقی كرێكارانی فولاد له‌ ئێران، له‌ نێوان ٨٢ هه‌زار ئه‌ندامی ئه‌م سندوقه‌ ٤٦ هه‌زار كه‌س دانیشتووی “ئێسفه‌هان”ن و له‌ رابردوودا له‌ كارخانه‌كانی فولادی ئۆستان، كار و چالاكیان كردووه‌. شایانی باسه‌ تا ئێستا هه‌زاران كرێكاری خانه‌نشینكراوی سه‌نعه‌تی فولاد له‌ ئێسفه‌هان له‌ ناڕه‌زایه‌تی به‌ دواخرانی حه‌قده‌ست و مه‌زایاكانیان، چه‌ندین جار كۆبوونه‌وه‌ی به‌رینیان وه‌ڕێخستووه‌.