په‌ره‌سه‌ندنی شه‌پۆلی پارازیت له‌ زیندانی ره‌جایی شه‌هر

618
به‌ پێی راپۆرتی “كومیته‌ی پشتیوانی له‌ شاهرۆخ زه‌مانی”، له‌ ماوه‌ی دوو رۆژی رابردوودا شه‌پۆلی پارازیت له‌ زیندانی ره‌جایی شه‌هری كه‌ره‌ج یه‌كجار په‌ره‌یسه‌ندووه‌.به‌ پێی ئه‌م راپۆرته‌، دوابه‌دوای چڕتر بوونه‌وه‌ی پارازیته‌كان بارودۆخی زیندانییه‌ك كه‌ تووشی نه‌خۆشی دڵ بووه‌، خراپتر كردووه‌ و بۆ نه‌خۆشخانه‌ گواسترایه‌وه‌. ئه‌م ده‌زگایانه‌ كه‌ بۆ تێكچوونی بارودۆخی ته‌ندروستی زیندانیان كه‌ڵكی لێوه‌رده‌گیردرێت، له‌م دواییانه‌دا له‌ زیندانی ره‌جایی شار و به‌ تایبه‌ت به‌ندی سیاسی، به‌ شێوه‌یه‌كی به‌رچاو په‌ره‌یسه‌ندووه‌ و كێشه‌ و گرفتێكی تازه‌ی بۆ زیندانیان پێكهێناوه‌. زیندانیان چه‌ندین جار له‌ ناڕه‌زایه‌تی به‌ په‌ره‌سه‌ندنی شه‌پۆلی پارازیت له‌ زیندان و ئاكامه‌ خراپه‌كانی، مانیان له‌ خواردن گرتووه‌.