په‌ره‌سه‌ندنی نائارامییه‌كان له‌ پێته‌ختی برۆندی

195y
به‌ پێی راپۆرتی “یۆرۆنیوز”، رۆژی جومعه‌ ١٨ی مانگی گوڵان، دوابه‌دوای ناونووسی كردنی سه‌رۆك كۆماریی برۆندی بۆ پالێوراوی له‌ هه‌ڵبژاردن، ناڕه‌زایه‌تییه‌كان له‌ شاری “بۆجۆمبورا” پێته‌ختی ئه‌م وڵاته‌ زیاتر بۆته‌وه‌.
یه‌كێك له‌ ناڕازییان رایگه‌یاند: “پۆلیس موزاحێمه‌ت پێكدێنێت و رۆژانه‌ ته‌قه‌ له‌ ئوتۆمبیله‌كان ده‌كات. به‌ڵام ئێمه‌ ناڕازییان ئه‌م شوێنه‌ چۆڵ ناكه‌ین. ئێمه‌ خه‌بات ده‌كه‌ین و ده‌بێت لێره‌ بمێنینه‌وه‌.” شایانی باسه‌، “پیێر ئێنكۆرونزیزا”، سه‌رۆك كۆماری برۆندی سه‌ره‌ڕای ناڕه‌زایه‌تیه‌ خیابانییه‌كان، بۆ سێهه‌مین ده‌وره‌ی به‌رده‌وام له‌ هه‌ڵبژاردنی سه‌رتاسه‌ری، پالێوراوی خۆی راگه‌یاند. له‌ جه‌ریانی ئه‌م ناڕه‌زایه‌تیانه‌، لانیكه‌م ٢٠ كه‌س كوژران و ٢١٦ كه‌سیش بریندار بوون. له‌ لایه‌كی دیكه‌وه‌ “كومیساریاری باڵای په‌نابه‌رانی رێكخراوی نه‌ته‌وه‌یه‌كگرتووه‌كان رایگه‌یاند كه‌ له‌ ماوه‌ی هه‌فته‌كانی رابردوودا، زیاتر له‌ ٥٠ هه‌زار كه‌س له‌ هاوڵاتییانی برۆندی به‌ره‌و “رواندا” هه‌ڵاتوون.