پچڕانی بەرق و ئاوی شاری پیرانشار بە هۆی بەفر و سەرما

 

95q
لە شاری پیرانشار بە هۆی بارینی بەفر و سەرمای لە رادەبەردەر بەرق و ئاوی ئەمشارە بە تەواوەتی پچڕاوە.
رۆژی جومعه‌ رێكەوتی ١١ی بەفرانباری ٩٤ی هەتاوی بە هۆی سەرما و سوڵ و بارینی بەفر و بارانی لە ڕادەبەدەر لە شاری پیرانشار كە لە رۆژی چوارشەمەوە دەستی پێكردوە و هەروا درێژەی هەیە بەرقی ئەمشارە بە تەواوەتی پچڕاوە و سەرەڕای ئەوه‌ی كه‌ شارۆمەندان به‌ دوای ئه‌م كێشه‌وگرفتانه‌دا چوون، بەڵام هێشتا له‌لایه‌ن ناوه‌نده‌ پێوه‌ندی داره‌كانه‌وه‌ هیچ هەوڵێكیان بە مەبەستی چاره‌سه‌ركرانی ئەو كێشە بۆ نه‌دراوه‌. شایانی باسه بە هۆی سەرما و سوڵەوه‌، سەرەڕای پچڕانی بەرق، ئاوی ئەو شارەش هه‌ڵبڕاوه‌ و نیگەرانی خەڵكی زیاتر كردووه‌، بەڵام تاكۆ ئیستا هیچ رێگارێەك بۆ ئەو كێشە نه‌گیراوه‌ته‌به‌ر‌. جێگەی ئاماژەیە ماوەیەك له‌مه‌وبه‌ریش بە هۆی بارینی بەفر و باران، بەرقی شارەكانی پیرانشار، شنۆ، بۆكان و چەند شار و گوندی دەوروبەریان پچڕا و شارۆمەندانی تووشی كێشەی جیدی كرد و لە لایەكی دیكەشەوەی گازی شارەكانی كوردستان بە تەواوەتی پچڕا و لایه‌نه‌ پێوه‌ندیداره‌كانی رژیمیش له‌ ئێستادا خه‌مسارد و كه‌مته‌رخه‌م بوون.