پیس بوونی ئاوی خواردنه‌وه‌ی ناوچه‌ی پاوه‌

350
له‌ ماوه‌ی رۆژانی رابردوودا، ژماره‌یه‌كی به‌رچاو له‌ دانیشتووانی ئاواییه‌كی سه‌ربه‌ شاری پاوه‌ به‌ هۆی خواردنه‌وه‌ی ئاوی پیس، مه‌سموم بوون.به‌ پێی ئه‌م راپۆرته‌، ئاوی خواردنه‌وه‌ی ئاوایی “دووریسان” به‌ هۆی پیس بوونی، هاوڵاتیانی ئه‌م ئاواییه‌ی مه‌سموم كرد. شایانی باسه‌، له‌ ماوه‌ی دوو مانگی رابردوودا ژماره‌یه‌ك له‌ خه‌ڵكی ئه‌م ئاوایییه‌ تووشی سكچوونی له‌ناكاو بوون و ره‌وانه‌ی نه‌خۆشخانه‌ی شاره‌كانی “كرماشان و تاران” كران و دوایی ده‌ركه‌وت كه‌ ئاوی خواردنه‌وه‌ی ئه‌م ئاواییه‌ ئالوده‌ی ویروس و میكرۆب بووه‌. جێگای ئاماژه‌یه‌ دانیشتوانی ئاوایی دووریسان لەماوەی دوو مانگی رابردۆوه‌ تا ئێستا، چه‌ندین جار سه‌ردانی ناوەندە پێوەندیدارەکانی رژیمیان كردووه‌ و له‌م كێشه‌ و گرفته‌ ئاگاداریان كردوونه‌ته‌وه‌، به‌ڵام تا ئێستا بۆ چاره‌سه‌ر كردنی كێشه‌ی ئاوی خواردنه‌وه‌ی ئه‌م ئاواییه‌ هیچ كارێكیان ئه‌نجام نه‌داوه‌.