پێشگیریی له‌ به‌ڕێوه‌چوونی دووچه‌رخه‌سواریی به‌ كۆمه‌ڵ له‌ تاران

35
هێزی ئینتزامیی تاران پێشی به‌ به‌ڕێوه‌چوونی به‌رنامه‌ی “سێشه‌ممه‌كان ‌بێ ماشێن” و دووچه‌رخه‌سواریی خه‌ڵك له‌ پاركی لاله‌ هه‌تا خانه‌ی هۆنه‌رمه‌ندان گرت.
كه‌مپه‌ینی “سێشه‌ممه‌كان ‌بێ ماشێن”، بۆ ڕووبه‌ڕوو بوونه‌وه‌ له‌گه‌ڵ پیسبوونی هه‌وا ڕێكخراوه‌ و داواش له‌ هاووڵاتییان كراوه‌ هه‌تا ئۆتۆمبێله‌ شه‌خسییه‌كانیان به‌كار نه‌هێنن. ئه‌م كه‌مپه‌ینه‌ بانگهێشتی خه‌ڵكی كردبوو كه‌ به‌یانیی ڕۆژی سێشه‌ممه‌ ١٦ی مانگی خه‌رمانان، له‌ كۆبوونه‌وه‌ی گه‌وره‌ی دووچه‌رخه‌سواریی له‌ پاركی لاله‌وه‌ هه‌تا خانه‌ی هۆنه‌رمه‌ندان به‌شداریی بكه‌ن. مۆدیری گشتیی نووسینگه‌ی “مۆشاره‌كه‌تهای‌ مه‌ردۆمیی سازمانی موحیت زیست” له‌مباره‌وه‌ رایگه‌یاند، سه‌ره‌ڕای ئاماده‌بوونی هاووڵاتییان و سه‌ره‌ڕای هاوئاهه‌نگی كردن بۆ به‌ڕێوه‌چوونی ئه‌م به‌رنامه‌یه‌، هێزی ئینتزامیی پێشی به‌ به‌ڕێوه‌چوونی ئه‌م چالاكییه‌ گرتووه‌. ئه‌م هه‌وڵانه‌ بووه‌ته‌ هۆی ناڕه‌زایه‌تیی و كاردانه‌وه‌ی كاربه‌رانی‌ تۆڕه‌ كۆمه‌ڵایه‌تییه‌كانی لێكه‌وتووه‌ته‌وه‌. قه‌ده‌غه‌كرانی دووچه‌رخه‌سواری و كۆنسێرت و كاری ژنان، له‌م ته‌وه‌رانه‌ن كه‌ له‌ ماوه‌ی چه‌ند مانگی دواییدا ناڕه‌زایه‌تیی زۆری له‌ تۆڕه‌ كۆمه‌ڵایه‌تییه‌كانیشی به‌دواوه‌ بووه‌. شایانی باسه‌ پێشتریش له وه‌رزی‌ زستانی ساڵی ڕابردووش و هاوكات له‌گه‌ڵ په‌ره‌سه‌ندنی “سێشه‌ممه‌كانی پاك” له‌ سه‌رتاسه‌ری ئێران، هێزی ئینتزامیی له‌ مه‌ریوان پێشی به‌ دووچه‌رخه‌سواریی ژنانی ئه‌مشاره‌ گرتبوو. هه‌ڵسووكه‌وتی هێزی ئینتزامیی له‌گه‌ڵ ناڕه‌زایه‌تیی چالاكانی مه‌ده‌نیی مه‌ریوان، به‌ره‌وڕوو بووه‌وه‌ و له‌ ڕاگه‌یه‌نه‌ره‌كانیشدا ده‌نگدانه‌وه‌یه‌كی به‌ربڵاوی هه‌بوو. سه‌رئه‌نجام ڕاگه‌یه‌ندرا كه‌ شوڕای شاری مه‌ریوان به‌شێك له‌ پاركی بانۆوانی ئه‌مشاره‌ی كردووه‌ته‌ پیستی دووچه‌رخه‌سواریی.