پێشگیری له‌ چاره‌سه‌ر كردنی پزیشكی زیندانییه‌ك له‌ مهاباد

453
به‌ پێی راپۆرته‌كان، به‌رپرسانی زیندانی مهاباد له‌ ده‌وا و ده‌رمانی زیندانییه‌كی به‌ندكراو به‌ ناوی “جه‌مشید گۆڵ ئه‌ندامی” له‌ زیندانی ناوه‌ندی شاری مهاباد پێشگیری ده‌كه‌ن.جه‌مشید گۆڵ ئه‌ندامی كه‌ له‌ رێكه‌وتی ٧ی پوشپه‌ڕی ساڵی رابردووی هه‌تاوی به‌ تۆمه‌تی ده‌رگیری له‌گه‌ڵ به‌كرێگیراوێك و بریندار كردنی له‌ شاری مهاباد و له‌ لایه‌ن مه‌ئموورانی ئێتلاعاته‌وه‌ ده‌ستبه‌سه‌ر كرا و پاشان به‌ ٤ ساڵ زیندان و په‌رداخت كردنی دیه‌ و ٢٥٠ زه‌ربه‌ شه‌لاق مه‌حكوم كرا، ئێستاش له‌ زیندانی ناوه‌ندی مهاباد به‌ند كراوه‌ و تووشی نه‌خۆشییه‌كی سه‌خت بووه‌. ئه‌م زیندانییه‌ پاش ته‌حه‌مول كردنی ٢٥٠ زه‌ربه‌ شه‌لاق، جگه‌ری به‌ توندی تووشی كێشه‌ بووه‌ و ئێستا له‌ بارودۆخێكی خراپی جه‌سته‌یی دا به‌سه‌ر ده‌بات، به‌ڵام به‌رپرسانی زیندان له‌ ناردنی ناوبراو بۆ نه‌خۆشخانه‌، پێشگیری ده‌كه‌ن