چالاكی ته‌بلیغی به‌ بۆنه‌ی رۆژی كۆمه‌ڵه‌ له‌ شه‌هره‌كی په‌سوێ

353t

شه‌وی پێنجشه‌ممه‌ ٢٣ی مانگی رێبه‌ندان دۆستان و لایه‌نگران و هه‌ڵسووڕاوانی كۆمه‌ڵه‌ و حیزبی كۆمۆنیستی ئێران به‌ بۆنه‌ی رۆژی كۆمه‌ڵه‌، چالاكیه‌كی به‌رینی ته‌بلیغیان له‌ ئاستی شه‌هره‌كی “په‌سوێ”ی پیرانشار به‌ڕێوه‌برد.
به‌ پێی هه‌واڵی گه‌یشتوو، دۆستان و هه‌ڵسووڕاوانی كۆمه‌ڵه‌ و حیزبی كۆمۆنیستی ئێران، شه‌وی پێنجشه‌ممه‌ به‌ بڵاوكردنه‌وه‌ی تراكت و نووسینی دروشمگه‌لێك له‌وانه‌ “پیرۆز بێ ٢٦ی رێبه‌ندان رۆژی كۆمه‌ڵه‌، بژی هاوڕێ حه‌مه‌ حسێنی كه‌ریمی و گیانبه‌ختكردوانی كۆمه‌ڵه‌، بژی بزۆتنه‌وه‌ی شۆڕشگێرانه‌ی كوردستان، بژی ئاڵای سووری سوسیالیزم و بژی حیزبی كۆمۆنیستی ئێران و كۆمه‌ڵه‌”، له‌سه‌ر ده‌رك و دیواری ناوچه‌یه‌كی به‌رین له‌ شه‌هره‌كی “په‌سوێ” له‌وانه‌ “چوارڕای موعه‌لیم، شه‌قامی شۆرا، ده‌ورووبه‌ری مه‌حه‌لله‌ی قه‌ڵاته‌، ده‌ورووبه‌ری مزگه‌وتی جامع، ده‌ورووبه‌ری بێهداشتی ژماره‌ ٢ و ده‌ورووبه‌ری مزگه‌وتی محه‌ممه‌د،” رێزیان له‌ ٢٦ی رێبه‌دان رۆژی كۆمه‌ڵه‌ گرت.