چالاكی ته‌بلیغی به‌ بۆنه‌ی ١١ی خه‌رمانان له‌ ته‌ورێز

10
به‌پێی هه‌واڵی گه‌یشتوو، شه‌وی ١٠ی مانگی خه‌رمانان، كۆمه‌ڵێك له‌ هاوڕێیان و هه‌ڵسووڕاوانی حیزبی كۆمۆنیستی ئێران له‌ ته‌ورێز، به‌ بۆنه‌ی ساڵڕۆژی پێكهاتنی حیزبی كۆمۆنیستی ئێران، هه‌ستان به‌ چالاكیی ته‌بلیغی.
به‌ پێی ئه‌م ڕاپۆرته‌، هاوڕێیانی حیزبی كۆمۆنیستی ئێران له‌ چه‌ند نۆره‌دا، له‌ ئاستێكی به‌ربڵاو له‌ شاری ته‌ورێز له‌وانه‌ له‌ شه‌قامه‌كانی “مۆفه‌تێح، یه‌كه‌ دۆكان، گرگری، ٥ی شه‌هریوه‌ر، ده‌وروبه‌ری تێرمیناڵی غه‌رب، به‌هارستان و مه‌یدانه‌كانی مۆفه‌تێح، مۆنه‌جێم، ئێمام حسێن و چوارڕای سه‌تنارخان و چه‌ند به‌شێكی پاركی ئیل گۆلی هه‌ستان به‌ بڵاوكردنه‌وه‌ و هه‌ڵواسینی تراكتی چاپیی به‌ درووشمه‌كانی: “بژی حیزبی كۆمۆنیستی ئێران، كرێكارانی جیهان یه‌كگرن، بژی ١١ خه‌رمان ساڵڕۆژی پێكهاتنی حیزبی كۆمۆنیستی ئێران” ، “كرێكاران به‌ حیزبی كۆمۆنیستی ئێرانه‌وه‌ په‌یوه‌ست بن” و “ساڵڕۆژی پێكهاتنی حیزبی كۆمۆنیستی ئێران له‌ كرێكارانی خه‌باتكار پیرۆز بێت”. جێگه‌ی ئاماژه پێدانه‌، رۆژی دواتری هێزه‌ لیباس شه‌خسی و نیزامییه‌كانی رژیم به‌ په‌شۆكاوییه‌وه‌ گه‌یشتنه‌ ئه‌م شوێنانه‌ و ده‌ستیان كرد به‌ گه‌شت لێدان و بازڕه‌ستی له‌ هه‌ندێ له‌م شوێنانه‌. هێزه‌ ئه‌منییه‌تییه‌كانی رژیم هه‌روه‌ها ئازاری خه‌ڵكی ئه‌م ناوچانه‌یان داوه‌ و له‌ هه‌ندێ حاڵه‌تیشدا رووبه‌ڕووی ناڕه‌زایه‌تیی و دژایه‌تیی خه‌ڵك بوونه‌ته‌وه‌.