چالاكی ته‌بلیغی به‌ بۆنه‌ی ١١ی خه‌رمانان له شاری‌ سنه‌

310
رۆژی دووشه‌ممه‌ ٢ی مانگی خه‌رمانان، ژماره‌یه‌ك له‌ هه‌ڵسووڕاوان و لایه‌نگرانی كۆمه‌ڵه‌ و حێزبی كۆمۆنیستی ئێران به‌ بڵاو كردنه‌وه‌ی تراكت و هه‌ڵواسینی وێنه‌ی هاوڕێیانی گیان به‌ختكردوو، پێشوازیان له‌ ساڵڕۆژی دامه‌زراندنی حێزبی كۆمۆنیستی ئێران كرد. به‌ پێی هه‌واڵی گه‌یشتوو، ئه‌م هه‌ڵسووڕاوانه‌ به‌ هه‌ڵواسینی ژماره‌یه‌كی زۆر تراكت و پلاكاردی سوور كه‌ له‌سه‌ریان دروشمی “بژی ١١ی خه‌رمانان ساڵڕۆژی دامه‌زراندنی حێزبی كۆمۆنیستی ئێران” نووسرابوو و هه‌روه‌ها ژماره‌یه‌ك وێنه‌ی هاوڕێیانی گیان به‌ختكردوو له‌وانه‌ “دوكتور جه‌عفه‌ر شه‌فیعی، فواد موسته‌فا سۆڵتانی، سدیق كه‌مانگه‌ر و غوڵام كه‌شاوه‌رز” له‌ چه‌ندین شوێن له‌ ده‌وروبه‌ری ئاویه‌ری شاری سنه‌، پێشوازیان له‌ ساڵڕۆژی دامه‌زراندنی حێزبی كۆمۆنیستی ئێران گرت. شایانی باسه‌ كه‌ ته‌واوی ئه‌م شوێنانه‌ به‌ ئاڵای سوور رازابوونه‌وه‌.