چالاكی ته‌بلیغی به‌ بۆنه‌ی ٢٦ی رێبه‌ندان رۆژی كۆمه‌ڵه‌ له‌ شاری سنه‌

296t

به‌ پێی هه‌واڵی گه‌یشتوو، رۆژی پێنجشه‌ممه‌ ١٦ی رێبه‌ندان به‌ بۆنه‌ی ٢٦ی رێبه‌ندان ساڵڕۆژی ئاشكرا بوونی تێكۆشانی كۆمه‌ڵه‌، هه‌ڵسووڕاوانی كۆمه‌ڵه‌ و حێزبی كۆمۆنیستی ئێران له‌ شاری سنه‌ چالاكی ته‌بلیغیان به‌ڕێوه‌برد.
هه‌ڵسووڕاوانی كۆمه‌ڵه‌ و حێزبی كۆمۆنیستی ئێران له‌ رێگاكانی به‌ره‌و كوچكه‌ڕه‌ش ژماره‌یه‌كی زۆر تراكتیان به‌ ناوه‌ۆكی “پیرۆز بێت ٢٦ی رێبه‌ندان ساڵڕۆژی ئاشكرا بوونی تێكۆشانی كۆمه‌ڵه‌” بڵاو كرده‌وه‌. هه‌روه‌وها له‌سه‌ر لوتكه‌ی ئه‌م كێوه‌ ئاڵای سوور كه‌ دروشمی “بژی ٢٦ی رێبه‌ندان رۆژی كۆمه‌ڵه‌”ی له‌سه‌ر نووسرابوو، هه‌ڵكرد. هه‌واڵێكی دیكه‌ باس له‌وه‌ ده‌كات كه‌ دوانیوه‌ڕۆی رۆژی جومعه‌ ١٧ی رێبه‌ندان، رێگای ئاویه‌ری شاری سنه‌ به‌ تراكتی ته‌بلیغی ٢٦ی رێبه‌ندان ساڵڕۆژی ئاشكرا بوونی تێكۆشانی كۆمه‌ڵه‌ له‌ لایه‌ن هه‌ڵسووڕاوانی كۆمه‌ڵه‌ و حێزبی كۆمۆنیستی ئێران رازابۆوه‌، به‌ڵام پاش ماوه‌یه‌ك مه‌ئمورانی رژیم به‌ ترس و نیگه‌رانییه‌وه‌ تراكته‌كانیان كۆكرده‌وه‌.