چاوپێكه‌وتنی هه‌یئه‌تێك له‌ كومیته‌ی ناوه‌ندی حێزبی دیمۆكراتی كوردستان له‌گه‌ڵ هه‌یئه‌تی كۆمیته‌ی رێبه‌ری كۆمه‌ڵه‌

203y
به‌ پێی هه‌واڵێك له‌ ده‌بیرخانه‌ی كومیته‌ی ناوه‌ندی كۆمه‌ڵه‌وه‌، رۆژی سێشه‌ممه‌ ١٥ی مانگی گوڵان چاوپێكه‌وتنێك له‌ نێوان هه‌یئه‌تێك له‌ لایه‌ن كومیته‌ی ناوه‌ندی حێزبی دیمۆكراتی كوردستان به‌ به‌شداری خالید عه‌زیزی سكرتێری حێزب و هه‌یئه‌تێك له‌ لایه‌ن كومیته‌ی رێبه‌ری كۆمه‌ڵه‌ به‌ به‌شداری ئیبراهیم عه‌لیزاده‌ سكرتێری یه‌كه‌می كۆمه‌ڵه‌، له‌ مقه‌ڕی ناوه‌ندی كۆمه‌ڵه‌ به‌ڕێوه‌چوو.له‌م چاوپێكه‌وتنه‌دا بارودۆخی سیاسی ئێران و عێراق و هه‌موو پارچه‌كانی كوردستان درایه‌ به‌ر باس و لێكۆڵینه‌وه‌ و ئاڵوگۆڕی بیروڕیان له‌سه‌ركرا. هه‌روه‌ها بواره‌كانی هاوكاری ئه‌م دوو لایه‌نه‌ لێكدرایه‌وه‌ و بڕیاردرا كه‌ له‌ داهاتوویه‌كی نزیكدا له‌ كۆبوونه‌وه‌گه‌لێكی تایبه‌تیدا، شاره‌زایانی هه‌ردوو لا به‌ وردی قسه‌یان له‌سه‌ر بكه‌ن و رێكه‌وتنی پێویستیان له‌سه‌ر گه‌ڵاڵه‌ بكرێت.