چوونه‌سه‌ره‌وه‌ی ژماره‌ی لاوان له‌ زیندانه‌كانی ئێران

312
به‌ پێی دانپێدانانی ره‌ئیسی سازمانی زیندانه‌كان و كرده‌وه‌ ئه‌منیه‌تی و ته‌ربیه‌تییه‌كانی رژیم، ٧٠ له‌سه‌دی زیندانیان له‌ ئێران ته‌مه‌نیان كه‌متر له‌ ٤٠ ساڵه‌ و زۆربه‌یان لاوانن.به‌ وته‌ی ئه‌م كاربه‌ده‌سته‌ی رژیم، ١٠ له‌سه‌دی زیندانیان به‌ ته‌واوه‌تی بێسه‌وادن و ٤٠ له‌سه‌دیشیان لانیزۆر مه‌دره‌كی سیكلیان هه‌یه‌. ناوبراو هه‌روه‌ها رایگه‌یاندووه‌: به‌شێكی به‌رچاو له‌ كه‌سه‌كان كه‌ له‌ زیندانن، یان بێكارن و یان هیچ شۆغڵێك و ته‌خه‌سۆسێكیان نییه‌. شایانی باسه‌ ره‌ئیسی سازمانی زیندانه‌كانی رژیم پێشتریش به‌ ئاماژه‌ به‌ چوونه‌سه‌ره‌وه‌ی رۆژ له‌دوای رۆژی ژماره‌ی زیندانیان له‌ ئێران، له‌ دابه‌زینی ته‌مه‌نیان و په‌ره‌سه‌ندنی ئاماری ژماره‌ی زیندانیانی نێوان ٢٦ تا ٣٢ ساڵ قسه‌ و باسی كردبوو. له‌ لایه‌كی دیكه‌وه‌، جێگری به‌رنامه‌رێژی فه‌رمانداری تارانیش، هه‌واڵی چوونه‌سه‌ره‌وه‌ی ٢٠ له‌سه‌دی زیندانیانی ژێر ته‌مه‌ن ٢٠ ساڵی راگه‌یاند.

About admin

mnykkargarhastam

View all posts by admin →