چڕتربوونه‌وه‌ی گوشار له‌دژی بێهنام ئێبراهیم زاده‌

367y
به‌ پێی راپۆرتی “هێرانا”، “بێهنام ئێبراهیم زاده‌” هه‌ڵسووڕاوی كرێكاری به‌ندكراو له‌ زیندانی ره‌جایی شاری كه‌ره‌ج سه‌ره‌ڕای بارودۆخی ناله‌بار و خراپی جه‌سته‌یی و نه‌خۆشیه‌ جیاجیاكان، له‌ ده‌ستپێڕاگه‌یشتن به‌ ئێمكاناتی ده‌رمانی بێبه‌ش كراوه‌.به‌رپرسانی زیندان و دادستانی رژیم سه‌ره‌ڕای ته‌ئیدی پزیشكی، گیرۆده‌ بوونی بێهنام ئیبراهیم زاده‌ به‌ ئارترۆزی مل و نه‌خۆشییه‌كانی دیكه‌، له‌گه‌ڵ داواكاری ناوبراو سه‌باره‌ت به‌ ناردنی بۆ نه‌خۆشخانه‌یه‌ك له‌ ده‌ره‌وه‌ی زیندان دژایه‌تیان كرد. هه‌ر له‌م پێوه‌نده‌دا ئه‌م راپۆرته‌ رایده‌گه‌یه‌نێت كه‌ بارودۆخی ئه‌م هه‌ڵسووڕاوه‌ كرێكارییه‌ به‌ندكراوه‌ له‌ به‌ندی “دارالقۆرئان”ی زیندانی ره‌جایی شار زۆر خراپه‌ و ناچار به‌ خوێندنی نوێژ و قورئانی ئیجباری كراوه‌. ناوبراو هه‌روه‌ها له‌گه‌ڵ كه‌سێكی تۆمه‌تبار به‌ قه‌تڵ له‌ ژوورێكدا به‌ند كراوه‌.