ڕاگه‌یاندنی هاوسەرۆكایەتی كانتۆنی عەفرین سه‌باره‌ت به‌ هێرشه‌كانی توركییه‌

431w
هاوسەرۆكایەتی كانتۆنی عەفرین له‌ ڕاگه‌یه‌ندراوێكدا، هێرشی ئه‌ڕته‌شی توركییه‌ بۆ سەر كانتۆنی عەفرین شەرمەزار دەكات و دەڵێت: هاوپەیمانیی نێودەوڵەتی بەرپرسی هێرشی ئه‌ڕته‌شی توركییه‌ن بۆ سەر خاكی عەفرین.
هاوسەرۆكایەتی كانتۆنی عەفرین له‌ رۆژئاوای كوردستان سه‌باره‌ت به‌ هێرشی ئه‌م شه‌وانه‌ی ئه‌ڕته‌شی توركییه‌ بۆ سەر گوندی “سۆركا” له‌ شارۆچكەی “راجۆ”، راگەیەندراوێكی بڵاوكردەوە. هاوسەرۆكایەتی كانتۆنی عەفرین لە راگەیەندروەكەدا ئاماژەی به‌وه‌ داوه‌، ئه‌ڕته‌شی داگیركەری توركییه‌ له‌م شه‌وانه‌دا هێرشی كردە سەر گوندی سۆركای سەر بە شارۆچكەی راجۆ كه‌ لە ئەنجامی ئەو هێرشەدا چەند كەس كوژران یان بریندار بوون. ئێمە وەكو هاوسەرۆكایەتی كانتۆنی عەفرین ئەو هێرشە شەرمەزار دەكەین و لە چاوی ئه‌ڕته‌شی توركییه‌ی دەبینین. هاوسەرۆكایەتی كانتۆنی عەفرین، لە درێژەی راگەیەندراوەكەیدا باسی لەوە كردووە، “ئێمە داوا لە هێزە نێودەوڵەتییەكان دەكەین، كە هەڵوێستیان بەرامبەر به‌م هێرشانە ئاشكرا بكەن و فشارەكان بۆ سەر توركییه‌ زیاتر بكەن بۆ ئەوەیكه‌ هێرشەكان بۆ سەر خاكی سوورییه‌ كۆتایی پێبێنێت”.  لە كۆتایی راگەیەندراوەكەدا هاتووە، ئێمەش وەكو كانتۆنی عەفرین ناتوانین بەرامبەر به‌م هێرشانە بێدەنگ بین، ئەگەر ئەو هێرشانە دژ به‌ بەڕێوەبەرایه‌تی دێمۆكڕاتیك دووبارە ببنەوە، هێزەكانی “یەپەگە”، “یەپەژە” و “ئاسایش” وەڵامی ئەو هێرشانە دەدەنەوە.