ڕێوڕه‌سمی ڕێزگرتن له‌ ساڵڕۆژی دامه‌زراندنی حیزبی كۆمۆنیستی ئێران له‌ مه‌ریو‌ان

به‌ پێی هه‌واڵی گه‌یشتوو، كۆمه‌ڵێك له‌ دۆستان و لایه‌نگرانی كۆمه‌ڵه‌ و حیزبی كۆمۆنیستی ئێران، دوانیوه‌ڕۆی ڕۆژی چوارشه‌ممه‌ ١٠ی مانگی خه‌رمانان، له‌ گوندی “به‌رده‌ ڕه‌شه‌ی سه‌ر به‌ شاری مه‌ریوان، ڕێوڕه‌سمێكیان بۆ ڕێزلێنان له‌ هاتنی ساڵڕۆژی دامه‌زراندنی حیزبی كۆمۆنیستی ئێران به‌ڕێوه‌برد.

ئه‌و ڕێوه‌ڕه‌سمه‌ له‌سه‌ر گلكۆی ٢٣ كه‌س له‌ گیانبه‌خت كردووانی ڕێزی كۆمه‌ڵه‌ و حیزبی كۆمۆنیستی ئێران به‌ڕێوه‌چوو، ڕێوڕه‌سمه‌كه‌ به‌ سروودی ئه‌نترناسیۆناڵ و یه‌ك خۆله‌ك بێده‌نگی بۆ یادی گیانبه‌خت كردووانی ڕێگای ئازادی و سۆسیالیزم ده‌ستی پێكرد و له‌ درێژه‌‌دا چه‌ندین سروودی شۆڕشگێڕانه‌ پێشكه‌ش كراله‌ به‌رده‌وامی مه‌راسیمه‌كه‌دا ئاماده‌بووان باسیان له‌سه‌ر جه‌ساره‌ت و لێبوردوویی لانیكه‌م ٣هه‌زار گیانبه‌خت كردووی ریزه‌كانی كۆمه‌ڵه‌ و حیزبی كۆمۆنیستی ئێران كردله‌ كۆتاییدا به‌شداربووان هاتنی ساڵڕۆژی دامه‌زراندنی حیزبی كۆمۆنیستی ئێرانیان پیرۆزبایی كردجێی ئاماژه‌یه‌ كه‌ شوێنی ڕێوڕه‌سمه‌كه‌ به‌ تایبه‌ت به‌ ده‌وری گلكۆی هاورێیانی گیانبه‌خت كردوو، به‌ ئاڵای سوور و  وینه‌ی ئه‌و هاورێیانه‌ ڕازرایه‌وه‌.